20 лiпеня 2024, Субота, 21:30
Падтрымайце
сайт
Сім сім,
Хартыя 97!
Рубрыкі

Нідэрланды стварылі і ўзначалілі фонд вытворчасці дронаў для Украіны

1
Нідэрланды стварылі і ўзначалілі фонд вытворчасці дронаў для Украіны

Амстэрдам укладзе 60 млн еўраў у вытворчасць БПЛА.

Нідэрланды ўкладуць 60 млн еўраў у вытворчасць дронаў для патрэб УСУ, заявіла кіраўніца нідэрландскага міністэрства абароны Кайса Алангрэн пасля двухдзённага візіту ва Украіну. Частка гэтай сумы - 17,5 млн еўраў - будзе выдаткавана на стварэнне марскіх дронаў на ўкраінскай тэрыторыі, што прастымулюе мясцовы бізнэс, гаворыцца ў паведамленні на сайце вайсковага ведамства.

«Гэтыя высокатэхналагічныя інавацыі таксама важныя для Нідэрландаў. Для ўзаемнага галіновага супрацоўніцтва і ў якасці ўрокаў для нашых уласных узброеных сіл», - адзначыла міністарка.

Яшчэ 20 млн еўраў выдаткуюць на закупку FPV-дронаў. Астатнія сродкі ўкладуць у вытворчасць беспілотнікаў у саміх Нідэрландах для далейшых паставак БПЛА ва Украіну.

Днём раней прэм'ер-міністр Марк Рутэ заявіў, што Нідэрланды выдадуць Украіне новы пакет дапамогі сумай 138 мільёнаў еўраў, у тым ліку на рамонт энэргетычнай інфраструктуры і гуманітарнай дапамогі. Пры гэтым кіраўнік кабінета міністраў падкрэсліў, што аднаўленне краіны не мае сэнсу без магутных узброеных сіл, і паабяцаў далей надаваць вайсковую падтрымку Кіеву. «Мы вядзём перамовы з міжнароднымі партнёрамі аб пастаўках сістэм Patriot Украіне. Для гэтай мэты Нідэрланды перадалі радар і тры пускавыя сістэмы», - сказаў ён.

11 чэрвеня стала вядома, што ва Украіне зарабіў першы супольны цэх Украабаронпрама і аднаго з найбуйнейшых канцэрнаў у вытворчасці ўзбраенняў у Нямеччыне Rheinmetall. Прадпрыемства зоймецца рамонтам і вытворчасцю бранятэхнікі. Працаваць у цэху будуць украінскія і нямецкія спецыялісты.

Напісаць каментар 1

Таксама сачыце за акаўнтамі Charter97.org у сацыяльных сетках