Экс-памочнік Лукашэнкі знайшоў новую працу ў іншай краіне
10- 12.06.2024, 21:37
- 22,536
Кірыл Руды ўцёк ад дыктатара ў ААЭ.
Былы памочнік Аляксандра Лукашэнкі ў эканамічных пытаннях і экс-амбасадар нашай краіны ў Кітаі Кірыл Руды стаў дарадцам у тэхналогіях і інавацыях EurAsiaGulf, гаворыцца ў паведамленні эмірацкай кампаніі. Увагу на пасаду звярнула «Наша Ніва».
«Мы рады прадставіць вам нашага новага дарадцу, доктара Кірыла Рудога. Доктар Руды валодае багатым досведам працы ў якасці былога дарадцы прэзідэнта Беларусі (2013–2016) і былога амбасадара Беларусі ў Кітаі (2016–2020)», – паведаміла EurAsiaGulf.
Як паказана на сайце кампаніі, EurAsia Gulf служыць «платформай, якая спрыяе пашырэнню гандлёвых і інвестыцыйных магчымасцяў паміж Усходняй Еўропай, Цэнтральнай Азіяй і краінамі Рады карпарацый Персідскага заліва». Яе галоўная задача – «усебаковая» дапамога ў наладжванні справавых сувязяў для паспяховага вядзення бізнэсу ў названых краінах.