17 лiпеня 2024, Серада, 12:57
Падтрымайце
сайт
Сім сім,
Хартыя 97!
Рубрыкі

У Албаніі прыпынілі працу парламента праз Еўра-2024

3
У Албаніі прыпынілі працу парламента праз Еўра-2024

Значная частка дэпутатаў захацела наведаць матчы турніру.

У працы парламента Албаніі (кувенда) узнікла паўза мінімум на дзесяць дзён з-за чэмпіянату Еўропы ў футболе, які 14 чэрвеня стартуе ў Нямеччыне, піша As.

На гэтым тыдні пленарнае пасяджэнне было перанесенае з чацвярга на сераду, а на наступным увогуле не адбудзецца, паколькі значная частка са 140 дэпутатаў надумала наведаць матчы турніру. Генеральны сакратар апазіцыйнай Дэмакратычнай партыі Газмент Бардзі раскрытыкаваў перанос пасяджэнняў і назваў такую пастанову "ганебнай".

У Дортмундзе, дзе 15 чэрвеня пройдзе матч каманды Албаніі і Італіі, чакаецца больш за 50 тысяч албанскіх заўзятараў — гэта другая паводле колькасці група фанатаў на турніры пасля каманды гаспадароў. Італьянскую каманду будзе падтрымліваць менш за 10 тысяч фанатаў.

Стадыён у Дортмундзе разлічаны на 62 тысячы гледачоў падчас Еўра. Вялікая колькасць білетаў была выкупленая албанцамі.

Таксама падчас Еўра чакаюць блтізу 100 тысяч фанатаў з Шатландыі і вялікая колькасць заўзятараў з Англіі, Нідэрландаў і Польшчы.

Албанцы на групавым этапе турніру таксама згуляюць з Харватыяй (19 чэрвеня) і Гішпаніяй (24 чэрвеня).

Напісаць каментар 3

Таксама сачыце за акаўнтамі Charter97.org у сацыяльных сетках