Санкцыі сур'ёзна ўдарылі па Мазырскім НПЗ

Завод застаўся без ліцэнзаванага абсталявання.

Развіццё Мазырскага НПЗ на рынку нафтахіміі сур'ёзна стрымліваюць заходнія санкцыі, з-за якіх цяжка знаходзіць ліцэнзіяраў абсталявання і тэхпрацэсаў. Пра гэта расказаў намеснік дырэктара дырэкцыі ў рэканструкцыі і развіцці ААТ “Мазырскі НПЗ” Антон Гугалінскі на канферэнцыі “Мазыр PRO”, піша officelife.media.

Паводле ягоных слоў, "у сённяшняй геапалітычнай сітуацыі" вельмі выраслі тэрміны вырабу абсталявання, адбіваецца абмежаванасць кірунку экспарту і нестабільнасць на замежных рынках. Прадпрыемства вымушана несці дадатковыя лагістычныя выдаткі, працуючы на аддаленых прэміяльных рынках.