HIMARS, IRIS-T і бранятэхніка: Нямеччына выдасць буйны пакет дапамогі Украіне

Што ў яго ўвайшло?

Нямеччына выдала для Украіны новы пакет вайсковай дапамогі. Ён уключае ў сябе сістэмы СПА IRIS-T, рэактыўныя сістэмы залпавага агню HIMARS і танкі Leopard 1.

Пра гэта паведамляе РБК-Украіна са спасылкай на ўрад Нямеччыны.

Новы пакет дапамогі ўключае:

10 танкаў Leopard 1A1 і боепрыпасы да іх;

20 гусенічных машын пяхоты Marder і боепрыпасы;

зэнітна-ракетны комплекс сярэдняга радыусу дзеяння IRIS-T SLM;

зэнітна-ракетны комплекс малога радыусу IRIS-T SLS;

тры рэактыўныя артылерыйскія сістэмы HIMARS;

два мостаўкладчыкі BEAVER

дзве браняваныя інжынерныя машыны Dachs;

браняваную рамонтна-эвакуацыйную машыну Bergepanzer 2;

4 машыны размінавання Wisent 1 з запаснымі часткамі;

16 палівазапраўшчыкаў;

Таксама Нямеччына ў новым пакеце дапамогі перадасць боепрыпасы, стралковую зброю і 4 млн патронаў, сродкі для размінавання і абясшкоджвання набояў, лодкі, тры сістэмы AMPS для абароны гелікаптэраў, а таксама IT-абсталявання.