Швэйцарыя абвесціла, што на саміце міру будзе 100 удзельнікаў

Больш за палову – на самым высокім узроўні.

На Глабальным саміце міру ў Швэйцарыі будуць прысутнічаць 100 дэлегацый, у тым ліку 57 кіраўнікоў дзяржаваў і ўрадаў з усіх рэгіёнаў свету. Пра гэта паведамілі на партале ўраду Швэйцарыі ў пятніцу, 14 чэрвеня.

«Дзякуючы гэтай канферэнцыі Швэйцарыя прапануе дыскусійную платформу, на якой усе краіны-ўдзельніцы могуць вылучыць свае ідэі датычна справядлівага і трывалага міру ва Украіне», – гаворыцца ў паведамленні.

Ва ўрадзе краіны дадалі, што ўдзел 100 дзяржаваў і арганізацый з усіх рэгіёнаў свету з'яўляецца добрай перадумовай для «вылучэння ідэй пра мір ва Украіне».

Ва ўрадзе апублікавалі поўны спіс удзельнікаў саміту свету. Сярод іншых у яго ўвайшлі 92 прадстаўнікі дзяржаваў свету і восем прадстаўнікоў арганізацый.

14 чэрвеня ў Швэйцарыю прыбыў прэзідэнт Украіны Уладзімір Зяленскі. Ён адзначаў, што ў саміце будуць удзельнічаць блізу 100 краінаў і міжнародных арганізацый і падзякаваў усім, хто надумаў далучыцца.