«Пуціна як быццам падмянілі»

Кіраўнік РФ спалохаўся і пачаў адступаць.

Расейскі дыктатар Уладзімір Пуцін нечакана загаварыў аб спыненні вайны. Ён рэзка знізіў свае запыты і запатрабаваў ад Украіны ўсяго 4 вобласці і Крым у абмен на спыненне агрэсіі.

Што адбылося з правадыром РФ, патлумачыў расейскі журналіст і блогер Майкл Накі.

«Пуціна нібыта падмянілі… Фактычна, ягоныя выказванні не змяніліся. Але памянялася танальнасць. Ён заявіў, што з'яўляецца партнёрам Захаду і ўвогуле даўно пара перагарнуць трагічную старонку вайны, што наваяваўся... Раней ён патрабаваў Адэсу, дэнацыфікацыю і дэмілітарызацыю, а цяпер кажа - проста выходзьце з чатырох абласцей украінскіх і ўсё, мы спынім страляць... Ён нібыта спалохаўся і пачаў адступаць», - адзначыў Накі.

Ён запэўніў, што Пуцін выдатна разумее, што Кіеў не пагодзіцца на гэты ўльтыматум. Ён запытвае больш, чым яму трэба, каб потым падчас перамоў атрымаць хоць нешта.

Аднак відавочным у яго рыторыцы з'яўляецца зніжэнне патрабаванняў. Напраўду, у Пуціна ёсць шмат падстаў для нервовасці, падкрэсліў журналіст.

Па-першае, у РФ усё дрэнна на фронце. Нават выданне Bloomberg, якое любіць распавядаць пра тое, што ў Пуціна ўсё выдатна, напісала раптоўна пра акно, якое зачыняецца, магчымасці для дыктатара ў вайне.

Асабліва трывожна яму з-за з'яўлення ва УСУ вялікай колькасці ATACMS, з-за якога палаюць цэлі УС РФ у акупаваным Крыме. А тым часам ад удараў украінскіх дронаў гараць і выбухаюць цэлі ў расейскім глыбокім тыле ўжо на адлегласці звыш 1,5 тыс. км. Відавочна, што "СВА" пайшла не паводле плану.

«2024 год - гэта год, у якім Украіна праводзіць перазборку: набірае жывую сілу, тэхніку, набоі. У 2025 годзе можна чакаць сур'ёзных наступаў украінскага боку», - распавёў Накі.

Не ўсё добра і ў расейскай эканоміцы. Санкцыйная пятля сцягваецца, пазбаўляючы Расею неабходных ёй прыбыткаў. Бюджэтная дзірка расце. Паралельна Расею накрывае найвастрэйшы кадравы дэфіцыт.

«Калі вы паглядзіце на структуру расейскай эканомікі, войска, на прасоўванне на лініі фронту і кошт гэтых прасоўванняў, вы лёгка зразумееце, чаму Пуцін нервуецца і памяняў танальнасць. Вы лёгка зразумееце, чаму Пуцін спрабуе чарговы раз падмануць Захад, зрабіўшы выгляд, што гатовы ледзь не мірную дамову падпісваць… Сітуацыя з усіх бакоў працягвае для Расеі павольна, але дакладна пагаршацца… Пуцін баіцца, што яго раскусілі. Ён спалохаўся таго, што яго чакае наперадзе», - канстатаваў Накі.