«Кватэр таннейшых за паўмільёна даляраў тут не будзе»
14- 15.06.2024, 11:05
- 7,432
![«Кватэр таннейшых за паўмільёна даляраў тут не будзе»](https://i.c97.org/ai/599033/aux-head-1718437903-20240326_foto2_360.jpg)
Для каго ў Менску будуюць дом на Грыбаедава?
Экспэртка ў нерухомасці Наталля Літоўская апублікавала ў сваім тэлеграм-канале рэндэры шостага дома комплексу «Камфорт парка». Яго будуе кампанія «Будмінвест» па вуліцы Грыбаедава ў Менску. Літоўская мяркуе, што гэты дом будзе самым дарагім у сталіцы.
- Гэта шосты, «дыяментавы» дом «Камфорт парка», - піша Літоўская. - На 33 кватэры, плошчы - ад 110 да 200 квадратных метраў. Столі - 3,9 метра. На першым паверсе — трэнажорка, кавярынька, канс'ерж-сэрвіс 24 гадзіны, зона таварыства. Чатыры ліфты, нямецкае шкленне, «вечны» фасад. Падземны паркінг з сутарэннямі - як мае быць.
![](https://i.c97.org/ai/599033/aux-1718437874-1.jpeg)
— Коштаў пакуль не называюць, але дакладна вышэй за 4500 даляраў за метр. Кватэр танней паўмільёна даляраў тут не будзе, - упэўненая экспэртка. - А яшчэ трэба рабіць аздабленне.
На сайце жылога комплексу гаворыцца, што прыблізна дом павінны здаць у чацвёртым квартале гэтага года.
![](https://i.c97.org/ai/599033/aux-1718437874-2.jpeg)
![](https://i.c97.org/ai/599033/aux-1718437874-3.jpeg)
![](https://i.c97.org/ai/599033/aux-1718437874-4.jpeg)
![](https://i.c97.org/ai/599033/aux-1718437875-5.jpeg)