МАП запатрабавала дапусціць лекараў да беларускіх палітвязняў

Міжнародная гуманітарная місія мусіць ацаніць стан здароўя вязняў рэжыму.

Камітэт прымяненні стандартаў Міжнароднай арганізацыі працы (МАП) заклікаў беларускія ўлады дазволіць незалежным лекарам доступ да зняволеных прафсаюзных актывістаў.

Пра гэта гаварылася на спецыяльным пасяджэнні ў рамках 112-й Міжнароднай канферэнцыі працы ў Жэневе.

Камітэт патрабуе ад уладаў Беларусі тэрмінова прыняць міжнародную гуманітарную місію, каб дазволіць незалежным лекарам наведаць усіх вязняў актывістаў прафсаюзаў для ацэнкі іх здароўя і надання дапамогі, а таксама прыняць трохбаковую місію МАП для ацэнкі сітуацыі і наведвання прафсаюзных актывістаў, якія знаходзяцца ў месцах пазбаўлення волі.