18 лiпеня 2024, Чацвер, 12:04
Падтрымайце
сайт
Сім сім,
Хартыя 97!
Рубрыкі

Сталі вядомыя падрабязнасці затрымання за хабар намесніка кіраўніка БЧ

8
Сталі вядомыя падрабязнасці затрымання за хабар намесніка кіраўніка БЧ

Дома ў яго знайшлі больш за $3 мільёны.

Тэлеканал ОНТ расказаў падрабязнасці затрымання намесніка кіраўніка Беларускай чыгункі Пятра Дулуба. Дома ў яго знайшлі больш за 3 млн даляраў.

У дачыненні да Дулуба распачатая крымінальная справа паводле артыкула аб атрыманні хабару ў асабліва вялікай суме (частка 3 артыкула 430 КК). У роліку дзяржканала яго называюць "самым буйным хабарнікам у гісторыі сучаснай Беларусі".

Намеснік кіраўніка чыгункі быў затрыманы “з довадамі злачынства” на паркоўцы ля аўтамабіля. У роліку сцвярджаецца, што ён браў хабар у камерцыйных структур за лабіяванне іх інтарэсаў у грузаперавозках. Пра якія менавіта юрыдычныя асобы ідзе гаворка - не ўдакладняецца.

Як сказана ў сюжэце, чыноўнік захоўваў грошы гатоўкай - дома, а таксама ў загарадным доме сваёй цешчы. Сілавікі сачылі за ім амаль два гады.

У пачатку ліпеня “Супольнасць чыгуначнікаў Беларусі” паведаміла пра затрыманне першага намесніка начальніка Беларускай чыгункі Пятра Дулуба. Паводле інфармацыі ініцыятывы, Дулуба затрымалі "на хабары" з довадамі злачынства, з прымяненнем спецыяльна пазначаных купюр яшчэ 18 мая.

Напісаць каментар 8

Таксама сачыце за акаўнтамі Charter97.org у сацыяльных сетках