Пчолы супраць мёду

Аб барацьбе з карупцыяй па-лукашэнкаўску.

Змаганне з карупцыяй ў выкананні хунты гэта варыяцыя на тэму «пчолы супраць мёду». Кожны топавы чыноўнік ці кіраўнік буйной дзяржаўнай арганізацыі ў Беларусі не прызначаецца без кампрамату. Падчас працы гэтай тэчцы з кампраматам, як і службоўцам, дазваляюць таўсцець. Да пары да часу. Гэта чыстай вады мафіёзныя практыкі – замазаць, павязаць, каб не было нават думкі паспрабаваць выйсці з матрыцы.

А час надыходзіць, калі ці перадзел паляны ў выніку росту, ці скарачэнні ўплыву адной з груп. Ці, як зараз, калі «кармавая база» скарачаецца, а ў «красаўцаў» растуць апетыты.

Чыгунка і лагістыка – адзін з нямногіх сектараў эканомікі, дзе заўсёды будзе месца для «брудных грошай». Вазіць трэба, нават калі «ганяюць паражняк», рухомы склад трэба аплачваць. Эпоха санкцый – гэта яшчэ ўраджайная глеба для росту карупцыі, звязанай з кучай пракладак, якія неабходныя для абыходу абмежавальных захадаў.

Затрыманне такога мэнэджара «дысцыплінуе» вертыкаль уверх і ўніз. Разумеючы сістэму хунты, дзе ўверх і ўніз павязаны сістэмай асабістых рэкамендацый, гарантый і адкатаў, можна прагназаваць, што вельмі сур'ёзна напружыліся некалькі начальнікаў упраўленняў БЧ (гэта ўніз) і нават віцэ-прэмʼер Анатоль Сівак, які ў вертыкаль прыйшоў якраз з чыгункі.

Telegram-канал «Нік і Майк»