«Азоў» выбіў расейцаў з Серабранскага лесу

Гэта важны пункт на Луганшчыне.

15 чэрвеня аналітыкі DeepState паведамілі, што расейцы адышлі з Серабранскага лясніцтва на Луганшчыне. Намеснік камандзіра 12-й брыгады спецыяльнага прызначэння «Азоў» НГУ Святаслаў Паламар адзначыў, што гэта адбылося дзякуючы намаганням «азоўцаў», піша New Voice.

З ягоных слоў, фармулёўка СМІ аб тым, што акупанты «адступілі з пазіцый» у Серабранскім лясніцтве, з'яўляецца не зусім дакладнай, бо за гэтым стаіць цяжкая праца і жыццё байцоў «Азова».

«Можна і па-чалавечы напісаць – страцілі свае пазіцыі, ці Сілы абароны выбілі оркаў з іх пазіцый, калі не хочаце называць падраздзяленне, якое за гэтым «адступілі» стаіць. І як яшчэ можна завуаліравана напісаць пра тое, як 12 брыгада спецыяльнага прызначэння «Азоў» штодня, кожную гадзіну на працягу месяцаў выбівае оркаў?», – напісаў Паламар.

Ён таксама адзначыў, што менавіта байцы «Азова» спынілі наступленне расейцаў на Тэрны.

15 чэрвеня аналітыкі DeepState паведамілі, што расейскія акупанты адступілі на двух кірунках на ўсходзе Украіны.