Зяленскі: Заканчэнне вайны ва Украіне змогуць зафіксаваць на другім саміце міру

Украінскі прэзідэнт выступіў на саміце ў Швейцарыі.

Прэзідэнт Украіны Уладзімір Зяленскі падчас выступу ў Швейцарыі ў суботу, 15 чэрвеня, заявіў, што на другім саміце міру ўдзельнікі змогуць зафіксаваць «рэальнае заканчэнне вайны» РФ супраць Украіны, піша New Voice.

«Мы павінны разам вырашыць, што азначае справядлівы мір для міру і як яго можна дасягнуць сапраўды даўгачасным спосабам. Статут ААН з'яўляецца асновай для нас. І потым, калі план дзеянняў будзе на стале, узгоднены ўсімі і празрысты для народаў, тады ён будзе даведзены да ведама прадстаўнікоў Расеі», – заявіў украінскі прэзідэнт.

Як дадаў Зяленскі, зараз у Швейцарыі ўдзельнікі пачалі шлях да заканчэння вайны ва Украіне.

«Разам мы павінны давесці, што абʼяднаны свет – гэта свет міру, свет, які ведае, як правільна дзейнічаць», – дадаў ён.