20 лiпеня 2024, Субота, 21:09
Падтрымайце
сайт
Сім сім,
Хартыя 97!
Рубрыкі

У Нідэрландах беларус параніў нажом трох чалавек

9
У Нідэрландах беларус параніў нажом трох чалавек
ІЛЮСТРАЦЫЙНАЕ ФОТА

Матывы высвятляюцца.

Як паведамляе нідэрландскае агенцтва RTV Oost, у горадзе Дэвентэр паліцыя затрымала мужчыну з Беларусі, які параніў нажом аднаго мясцовага жыхара і двух замежнікаў падчас бойкі.

Паводле звестак агенцтва, у суботу ўвечары 15 чэрвеня ў паліцыю паступіла паведамленне аб панажоўшчыне ў адной транспартнай кампаніі Дэвентэра. Прыбыўшы на месца, паліцыянты знайшлі трох чалавек з лёгкімі раненнямі. Гэта былі 43-гадовы мужчына з Дэвентэра і двое замежнікаў (38 і 46 гадоў).

Падазроны ў злачынстве да моманту прыбыцця паліцыі ўжо ўцёк з месца здарэння. Пазней увечары ён усё ж быў затрыманы і змешчаны пад варту. Ім выявіўся 44-гадовы мужчына з Беларусі, чые матывы зараз высвятляе следства.

Асноўная версія здарэння – гэта сварка, якая папярэднічала бойцы. Ужо былі апытаны сведкі і прагледжаныя запісы камер відэаназірання, паведамляе паліцыя.

Напісаць каментар 9

Таксама сачыце за акаўнтамі Charter97.org у сацыяльных сетках