Навукоўцы назвалі найбольш карысную садавіну для кантролю ўзроўню цукру і спальвання тлушчу

Яна змяшчае найкаштоўнейшы фермент актынідзін.

Навукоўцы апублікавалі вынікі эксперымэнту, падчас якога ўдзельнікі на працягу 12 тыдняў штодня ўжывалі па два ківі. Даследаванне, апублікаванае ў часопісе Nutrients, паказала, што спажыванне гэтай садавіны спрыяе памяншэнню акружнасці таліі ва ўдзельнікаў.

Дзякуючы высокаму ўтрыманню вітаміна C, ківі спрыяе павелічэнню хуткасці спальвання вісцэральнага тлушчу, які назапашваецца ў вобласці жывата і павялічвае рызыку сардэчна-сасудзістых захворванняў. Акрамя таго, ківі дапамагае кантраляваць узровень цукру ў крыві, змяншаць ціск, паляпшаць страваванне і падтрымліваць імунную сістэму.

Навукоўцы адзначылі, што ківі з'яўляецца багатай крыніцай антыаксідантаў, клятчаткі і ферментаў, што робіць яго карысным прадуктам для падтрымання здароўя і зніжэння вагі. Вітамін C, які змяшчаецца ў гэтай садавіне, таксама спрыяе спальванню тлушчу пры фізічнай актыўнасці.

Акрамя гэтага, ківі паляпшае страваванне дзякуючы высокаму ўтрыманню абалоніны і ферментаў, такіх як актынідын, якія дапамагаюць у расшчапленні бялкоў. Таксама гэта садавіна падтрымлівае імунную сістэму і паляпшае стан скуры, дзякуючы антыаксідантам і вітамінам.