Лекарка расказала, калі трэба вячэраць, каб захаваць зграбнасць і ўмацаваць здароўе

Нават калі вы спрабуеце скінуць вагу, адмаўляцца ад вячэры не варта.

Час вячэры мае вялікае значэнне для агульнага стану здароўя, сцвярджаюць эксперты. Таму важна не толькі сачыць за тым, што вы ясцё, але і ў які час гэта адбываецца, піша prevention.com.

Спецыялістка ў харчаванні Кэтрын Канадэа тлумачыць, што час прыняцця ежы залежыць ад мноства чыннікаў, у тым ліку графіку працы, узроўню голаду, прыёму лекаў і наяўнасці кампаніі для абеду.

У сваю чаргу доктарка медыцынскіх навук Дана Коэн адзначае, што чым пазней вы вячэраеце, тым менш варта ўжываць ежы.

Эксперткі сыходзяцца ў меркаванні, што аптымальны час для вячэры – з 17:00 да 19:00.

Даследаванне, апублікаванае ў часопісе Cell Metabolism, паказала, што вячэра блізу 17:00 з'яўляецца найболей спрыяльнай для тых, хто імкнецца скінуць вагу. На думку Кэтрын Канадэа, ранняя вячэра спрыяе таксама паляпшэнню якасці сну, стрававання, паскарэнню абмену рэчываў і зніжэнню крывянога ціску.

У цэлым спецыялісткі рэкамендуюць вячэраць за тры-чатыры гадзіны да сну, каб палепшыць якасць сну і страваванне, паводле звестак клінікі Кліўленда.