«Для Расеі гэтая тэрыторыя застаецца недатыкальнай»

У ВМС расказалі, як удалося забяспечыць работу збожжавага калідора без РФ.

Украіне ўдалося забяспечыць працу марскога калідора ў Чорным моры дзякуючы таму, што большая частка маршруту пралягае ў водах, недатычыных Масквы.

Пра гэта ў інтэрв'ю РБК-Украіна распавёў спікер ВМС Украіны Дзмітрый Плецянчук.

“Асноўны складнік поспеху - гэта тое, што большая частка цяперашняга калідора праходзіць праз тэрытарыяльныя воды краін-чальцоў NАТО: Румынія, Балгарыя, Турэцкая Рэспубліка. Тэрытарыяльныя воды - 12 марскіх міль ад узбярэжжа, паводле міжнароднага заканадаўства, з'яўляюцца суверэннай тэрыторыяй дзяржавы”, - сказаў ён.

Паводле ягоных слоў, там дзейнічае такі прававы рэжым, як і ў самой дзяржаве, да якой яны належаць.

“Гэта ўсё адно, калі б вы патрапілі на сушу гэтай краіны. І для Расеі гэтая тэрыторыя застаецца недатыкальнай”, - дадаў Плецянчук.

Як адзначыў прадстаўнік ВМС, расейцы ў сябе ў тэлевізары могуць раскідвацца пагрозамі, але ў рэальнасці цудоўна разумеюць, што ўступаць у наўпроставую канфрантацыю з Паўночнаатлантычным альянсам яны не могуць сабе дазволіць.

Украінская частка

"Адпаведна, застаецца тая частка, якая ў нашай акваторыі, па якой вораг спрабаваў дастаткова доўга працаваць", - сказаў ён.

Плецянчук распавёў, што зараз расейцы, туды балістыку накіроўваюць перыядычна, большасць ракет мы збіваем на падлёце.

“Яны спрабавалі абмінуць гэты адцінак - даволі працяглы час з самалётаў Су-24 яны скідалі міны ў кантэйнерах. Але пасля таго, як збілі той Су-24 яны перадумалі. Былі выпадкі, калі яны набліжаліся самалётамі стратэгічнай авіяцыі, напрыклад Ту-22, але потым яны таксама гэтую ідэю пакінулі. У паветры пануе расейская авіяцыя, аднак паветраныя атакі мы ў большасці сваёй адбіваем”, - дадаў ён.

Паводле ягоных слоў, мінная бяспека, супрацьдыверсійная дзейнасць, патруляванне, канваіраванне - гэта ўсё ажыццяўляюць Ваенна-марскія сілы ўласнымі сіламі і рэсурсамі, каб гарантаваць бяспеку ў гэтым адцінку, які з'яўляецца нашымі тэрытарыяльнымі водамі.

“Больш за тое, быў перыяд, калі расейскія судны, якія ішлі альбо з нашых акупаваных тэрыторый, альбо з РФ у Басфор таксама хаваліся ад нас у тэрытарыяльных водах Турцыі, разумеючы, што там іх ніхто не закране”, – распавёў Плецянчук.

Марскі калідор

Як паведамляла РБК-Украіна пасля таго, як Расея выйшла са “збожжавага пагаднення” ў ліпені 2023 года, Украіна стварыла спецыяльны марскі калідор, прызначаны для абароны збожжа і металургічнай прадукцыі, якая вывозіцца з партоў Чорнага мора.

Сярэднямесячныя магутнасці марскога калідора складаюць блізу 7 млн тон. З прагнозу НБУ, гэта дазволіць аграрыям вывезці ўсю прадукцыю, прызначаную для экспарту.