Вядомага лекара ў Бабруйску да смерці збіў п'яны кіроўца

Яго трымалі за рукі, каб не ўпаў.

Ва УСК распавялі пра абставіны здарэння, якое адбылося ўвечары 10 чэрвеня ў Бабруйскім авіягарадку на вуліцы Коўзана.

Увечары мінулага панядзелка, блізу 21:40, аўтамабіль Opel наехаў на 51-гадовага мужчыну. Ад атрыманых траўм мужчына памёр. Як пазней высветліцца, загінулым выявіўся вядомы ў горадзе лекар Сяргей Нікіцін.

Ён працаваў лекарам-рэнтгенолагам (в. а. загадчыка) аддзялення прамянёвай дыягностыкі ў Бабруйскім міжраённым анкалагічным дыспансеры, а таксама ў адным з бабруйскіх медцэнтраў.

Як высветлілася, у той фатальны вечар разам з жонкай ён ішоў з гаража дадому. Ішлі па абочыне ў спадарожным кірунку руху аўтамабіляў. Жонка пачула гук аўто, а павярнуўшыся, убачыла як мужа збіў аўтамабіль, піша abw.by.

Кіроўца праз уцёкі з месца смяротнага наезду ўчыніў яшчэ адно ДТЗ.

Пасля наезду на пешахода Opel праз некалькі дзясяткаў метраў спыніўся. Кіроўца агледзеў свой аўтамабіль, азірнуўся і з'ехаў. Відавочцы спрабавалі яго спыніць, але беспаспяхова. Рухаючыся на хуткасці, ён не ўпісаўся ў паварот аўтамабіль рэзнуўся ў агароджу. Гэта значыць, кіроўца ўчыніў ужо другое ДТЗ.

На месца прыбылі інспектары ДАІ, якія затрымалі кіроўцу і павезлі на медагляд. Следчаму ён растлумачыў, што за некалькі гадзін да здарэння ён рамантаваў аўтамабіль у сваім гаражы і выпіваў.

На пахаванні калегі загінулага казалі: «Кіроўца п'яны быў зусім, калі яго з аўто даставалі, за рукі трымалі, каб не ўпаў».

У дачыненні да 38-гадовага жыхара Бабруйска распачатая крымінальная справа на падставе ч.4 арт.317 (парушэнне правілаў дарожнага руху асобай, якая кіруе транспартным сродкам у стане алкагольнага ап'янення, што пацягнула па неасцярожнасці смерць чалавека) Крымінальнага кодэкса Беларусі. Ён пад вартай.