УСУ ўпершыню ўзялі ў якасці трафея танк-«хлеў»

Экіпаж здаўся ў палон.

Вайскоўцы Узброеных сіл Украіны захапілі расейскі так званы «танк-хлеў».

Відэа ад 17 чэрвеня апублікаваў Telegram-канал «Кідок Мангуста».

«Тытаны з 22А МБР захапілі танк «чарапаху» і ўзялі ў палон экіпаж», - гаворыцца ў подпісе да відэа.

У пачатку красавіка на полі бою былі зафіксаваныя расейскія танкі з металічным дахам на корпусе і вежы. Гэты танк добра супрацьстаяў FPV-дронам. Нягледзячы на недарэчны выгляд гэтыя танкі сапраўды былі праблемай для УСУ.