У Чэхіі адбыўся выбух на палігоне, дзе трэніраваліся УСУ

Выбухнула неўстаноўленая баявая зброя.

У Чэхіі на Лібаўскім вайсковым палігоне на ўсходзе краіны адбыўся выбух. Паводле папярэдніх звестак, 9 чалавек атрымалі раненні. Два чалавекі былі эвакуяваныя ў шпіталь санітарнай авіяцыяй. На месца прыбылі машыны хуткай дапамогі, паведамляе «Радыё Свабода».

У паведамленнях войска Чэхіі ў сацыяльных сетках гаворыцца, што ўзарваўся неўстаноўлены боепрыпас. На месцы працуе вайсковая паліцыя.

Лібаўскі вайсковы палігон размешчаны побач з горадам Оламаўцам прыкладна за 250 кіламетраў на ўсход ад Прагі. Ён дзейнічае з 1949 года, яго плошча каля 235,5 квадратнага кіламетра, паведамляе iDnes.

Як паведамляла «Чэшскае радыё», на палігоне праходзілі стралковую, медыцынскую і тактычную падрыхтоўку ўкраінскія вайскоўцы. Ці адбываліся зараз вучэнні, і хто ў іх удзельнічаў - невядома.