23 лiпеня 2024, aўторак, 0:10
Падтрымайце
сайт
Сім сім,
Хартыя 97!
Рубрыкі

У Менску выпускнікі сталі ў вялізныя чэргі на апастыль

51
У Менску выпускнікі сталі ў вялізныя чэргі на апастыль
ІЛЮСТРАЦЫЙНАЕ ФОТА

Некаторыя стаяць з ночы.

Валянцін збіраецца паступаць за мяжу, таму раніцай 17 чэрвеня ён накіраваўся падаваць атэстат на апастыль у Дэпартамент якасці адукацыі, што на вуліцы Казлова ў Менску. На месцы маладзён убачыў вялізную чаргу з некалькіх сотняў людзей. Высветлілася, некаторыя з іх былі тут з ночы. Жураністы zerkalo.io даведаліся падрабязнасці.

У мэтах бяспекі імя суразмоўцы зменена.

З адзнакі Валянціна, ля ўваходу ў будынак стаяла блізу 150-200 чалавек. Яшчэ дзясяткі людзей чакалі каля дрэў.

- У асноўным гэта былі школьнікі і студэнты. Але сустракаліся старэйшыя за 35-40 гадоў. Магчыма, бацькі, - разважае маладзён. - Высвеілілася, некаторыя прыйшлі сюды яшчэ ноччу.

Тыя, хто стаіць у чарзе, падзяліліся з Валянцінам спасылкай на спецыяльны тэлеграм-чат. Мяркуючы з таго, што там пішуць, увесь час ля ўваходу ў будынак дэпартамента знаходзіцца нехта з дзяжурных. У іх можна запісацца ў чаргу (імя і прозвішча пішуць проста ў сшытак). Затым у свой часавы прамежак людзі прыходзяць да корпуса. Увечары ў нядзелю, 16 чэрвеня, у спісе было крыху больш за 500 чалавек.

- Як мне сказалі, запісацца онлайн, праз тэлеграм нельга, - кажа суразмоўца. - Сама падача ў дэпартаменце праходзіць хутка. Запаўняеш бланк, табе даюць квітанцыю і гавораць дату, калі прыйсці і ўсё забраць. На афармленне ідзе хвілін пяць-восем.

Валянцін кажа, што, нягледзячы на хуткасць, паспелі далёка не ўсе - дакументы прымаюць з 8.00 да 12.00. У тэлеграм-чаце пішуць, што прынялі крыху больш за 130 чалавек. Тыя, хто не патрапіў у лік шчасліўчыкаў, працягваюць ісці па чарзе ў аўторак. Са звестак аднаго з удзельнікаў чата, 17 чэрвеня пасля поўдня ў спісе было 717 прозвішчаў.

У прыёмнай Дэпартамента якасці адукацыі, куды журналісты патэлефанавалі як бацькі абітурыента, пацвердзілі:

- Сёння вельмі вялікая чарга. У пятніцу (14 чэрвеня, калі ў краіне прайшлі выпускныя. - Заўвага. рэд.) атрымалі атэстаты, таму ўсе хочуць падацца ў першы дзень.

Аб тым, ці праўда, што некаторыя стаяць у чарзе з ночы, тут не ведаюць. Але парэкамендавалі падыходзіць да канца тыдня, тады людзей мусіць быць значна менш.

— Апастыль атэстата каштуе 200 рублёў, — удакладнілі ў прыёмнай. - На наступны працоўны дзень пасля падачы з 8.00 да 12.00 можна забіраць.

Напісаць каментар 51

Таксама сачыце за акаўнтамі Charter97.org у сацыяльных сетках