У парламенце Арменіі абмяркуюць рэферэндум наконт удзелу ў ЕЗ
4- 17.06.2024, 20:03
- 2,970
![У парламенце Арменіі абмяркуюць рэферэндум наконт удзелу ў ЕЗ](https://i.c97.org/ai/570245/aux-head-1699040163-20231015_armenia_360.jpg)
Падрабязнасці.
У парламенце Арменіі запланавалі абмеркаванне патэнцыйнага правядзення ў краіне рэферэндуму пра ўступленне ў ЕЗ.
Пра гэта паведамляе «Радыё Азатуцюн».
На сайце парламента Арменіі з'явілася аб'ява, што на раніцу 21 чэрвеня запланаваныя слуханні на тэму «Прапанова правядзення рэферэндуму наконт падачы Арменіяй заяўкі на ўдзел ў ЕЗ».
З ініцыятывай такога абмеркавання выступіла «Платформа дэмакратычных сілаў Арменіі», у якую ўваходзяць некалькі палітсілаў. Раней гэтыя партыі заклікалі прэм'ера Нікола Пашыняна арганізаваць такі рэферэндум у найбліжэйшы час.
Нагадаем, у красавіку Еўрапарламент прыняў рэзалюцыю, якая прапануе разгледзець магчымасць надання Арменіі кандыдацкага статусу на ўступленне ў ЕЗ.
Пасля таго армянскі прэм'ер Нікол Пашынян заявіў, што гэтая рэзалюцыя павінна стаць прадметам абмеркавання ў Арменіі.