Зорка футболу Раналду пастанавіў заняцца парцалянавым бізнэсам
- 17.06.2024, 20:13
- 2,140
![Зорка футболу Раналду пастанавіў заняцца парцалянавым бізнэсам](https://i.c97.org/ai/599338/aux-head-1718644992-20240101_ronaldu_360.jpg)
Адзін з найбагацейшых футбалістаў свету набыў дзель у партугальскім вытворцу парцаляны.
Адзін з найбагацейшых футбалістаў свету Крышціяну Раналду набыў дзель 10% у партугальскім вытворцу парцаляны Vista Alegre Atlantis SGPS. Пра гэта піша агенцтва Bloomberg.
Раналду плануе набыць яшчэ 30% гішпанскага падраздзялення Vista Alegre.
Таксама бакі дамовіліся стварыць супольнае прадпрыемства на Блізкім Усходзе для прасоўвання брэнду Vista Alegre і Bordallo Pinheiro, названага ў гонар партугальскага мастака XIX стагоддзя, вядомага сваімі дызайнамі керамікі.
Vista Alegre, якая вырабляе і прадае парцаляну, керамічныя вырабы і крыштальны посуд, не раскрыла кошт інвестыцый Раналду.