Відэа беларусаў, якія «плываюць па аблоках», сабрала сотні тысяч праглядаў

Колькі каштуе такі “атракцыён ілюзій”?

У сацсетцы TikTok выклалі відэа турыстычнай групы, якая на катары нібы «плыве па аблоках» - чароўны пейзаж з воднай роўняддзю, у якой, як у люстэрку, адбіваецца летняе неба з аблокамі і зліваецца ў суцэльную карцінку, спакарыў інтэрнэт-карыстальнікаў. Кароткі ролік за два дні набраў амаль 300 тысяч праглядаў і сотні каментароў, галоўныя з якіх - дзе можна ўбачыць такую “прыгажосць” і колькі каштуе такі тур.

"Цудоўнае" відэа на сваёй старонцы апублікавалі арганізатары аўтарскіх тураў па Беларусі andystour.by. Хтосьці разважыў, што відэа знята з дырыжабля, хтосьці - што гэта "атракцыён ілюзій". Аднак аўтары роліка запэўнілі - гэта самая што ні на ёсць “натурная здымка”, а на кадрах - прыгажосці Асвейскага возера ў Верхнядзвінскім раёне Віцебскай вобласці. Менавіта там знаходзіцца востраў Ду, вядомы як самы вялікі востраў у Беларусі, які да таго ж некалі быў заселеным - на паўночна-заходнім беразе выспы размяшчалася вёска Востраў. Менавіта туды і трымалі шлях турысты.

Каментатары пад відэа не хавалі свайго захаплення ад убачаных краявідаў.

"Людзі з іх вынаходлівасцю ніколі не перасягнуць у творчасці Бога.. Захапляльна прыгожа", - напісала адна з глядачак.

“Вау, эфект! Захапленне! Гэта лепш чым у “Тытаніку”, - падтрымала яе іншая.

Колькі каштуе такі “шпацыр па аблоках”?

Зрэшты, знайшліся і тыя, хто прынёс сваю "лыжку смуроду" у каментарах і намякнуў на высокія кошты на туры на "чароўныя выспы".

"Шкада, што не кожны беларус можа дазволіць сабе такі палёт…" — напісала адна з глядачак.

Мы вывучылі праграму тура на востраў Ду гэтага арганізатара і высветлілася, што ў чэрвені кошт тура, які ўключае ў сябе акрамя экскурсіі на катары па Асвейскім возеры ад кіраўніка заказніка таксама пяцікіламетровы шпацыр па экасцежцы, назіранне за дзікімі жывёламі з назіральнай вышкі на выспе, а таксама наведванне мястэчка Сар'я з яго славутасцямі, складала 175 рублёў.