22 лiпеня 2024, панядзелак, 14:54
Падтрымайце
сайт
Сім сім,
Хартыя 97!
Рубрыкі

Навошта Пуцін едзе да Кім Чэн Ына?

24
Навошта Пуцін едзе да Кім Чэн Ына?
Фота: AFP

Украінскі эксперт распавёў пра «саюз галантарэйшчыка і кардынала».

Палітычны эксперт, дырэктар Цэнтра даследаванняў праблем грамадзянскай супольнасці Віталь Кулік раскрыў нюансы ўзаемастасункаў двух дыктатараў - кіраўніка КНДР Кім Чэн Ына і гаспадара Крамля Уладзіміра Пуціна.

З яго слоў, у апошні час «Кім Чэн Ын для Пуціна - самы блізкі сябар». На ўзроўні кіраўніцтва дзвюх краін падтрымліваюцца дастаткова інтэнсіўныя кантакты, у Паўночная Карэя выйшла на ўзровень стратэгічнага партнёрства з краінай-агрэсаркай Расеяй.

«Расея ў свой час падтрымлівала ўвядзенне санкцый супраць КНДР, а таксама спрыяла рэжыму абмежаванняў і эмбарга, а цяпер яна разам з Кітаем узбройвае КНДР і дае ёй высокія тэхналогіі, знішчаючы такім чынам рэжым абмежаванняў, які быў устаноўлены Радай бяспекі ААН», - сказаў Кулік у інтэрв'ю «Главреду».

Са слоў эксперта, цяпер Паўночная Карэя нарошчвае свой патэнцыял, і расейцы перадаюць ёй тэхналогіі, перш за ўсё, касмічныя.

«Акрамя таго, КНДР зацікаўленая ў распрацоўцы атамнай субмарыны, якая магла б несці ядзернае ўзбраенне, і цалкам магчыма, над ёй ужо працуюць на верфях Паўночнай Карэі ці Расеі. Плюс гаворка ідзе аб пэўных тыпах узбраення: РЭБ, беспілотніках, цяжкай тэхніцы, у якой зацікаўленая КНДР. Гэта ўсё Расея гатовая перадаваць КНДР у абмен на боепрыпасы», - растлумачыў Кулік.

Ён нагадаў, што расейскае акупацыйнае войска ўжо выкарыстоўвае ў вайне супраць Украіны паўночнакарэйскія боепрыпасы і ракеты.

«Аб'ёмы паставак вагаюцца і часта вызначаюцца перамовамі: пачынаецца падрыхтоўка да перамоваў - пачынаюцца і пастаўкі боепрыпасаў Расеі, узнікаюць пэўныя пытанні ва ўзаемадачыненнях - пастаўкі памяншаюцца. Гэта бачна па колькасці вагонаў, якія пераходзяць праз Хасан на мяжы Паўночнай Карэі і Расеі», - адзначыў ён.

Акрамя таго, Кулік мяркуе, што Расеі выгадна выкарыстоўваць Паўночную Карэю для разыгрывання сцэнарыяў абвастрэння супрацьстаяння на Карэйскім паўвостраве, каб адцягнуць увагу ЗША ад Украіны.

«Таксама трэба адзначыць, што ў Кіма ёсць спецыфіка: ён думае, што асабістыя сустрэчы і кантакты з'яўляюцца прыкметай яго сілы. Таму візіт Пуціна ў КНДР - гэта гісторыя на дзесяць гадоў: будзе 10 гадоў максімальнай прапаганды, якая будзе падаваць стасункі з РФ як альянс, як вось, як хаўрусніцкія стасункі, як у савецкім фільме пра мушкецёраў - «галантарэйшчык і кардынал». Хоць насамрэч ніякіх хаўрусніцкіх абавязацельстваў у Расеі перад Паўночнай Карэяй даўно няма», - дадаў эксперт.

Напісаць каментар 24

Таксама сачыце за акаўнтамі Charter97.org у сацыяльных сетках