18 лiпеня 2024, Чацвер, 8:21
Падтрымайце
сайт
Сім сім,
Хартыя 97!
Рубрыкі

Пяцёх магіляўчан судзілі за ўдзел у мірных акцыях пратэсту ў 2020-м годзе

3
Пяцёх магіляўчан судзілі за ўдзел у мірных акцыях пратэсту ў 2020-м годзе

Сярод іх – сям'я з малалетнімі дзецьмі.

Суд Ленінскага раёну Магілёва 13 чэрвеня абвясціў прысуд у дачыненні да пяці мясцовых жыхароў, якіх абвінавацілі ў «групавых дзеяннях, якія парушаюць грамадскі парадак» (ч. 1 арт. 342 КК РБ), паведамляе Mayday.team.

Суддзя Наталля Панасенка прызнала вінаватымі Андрэя Цімоніна, Валерыя Іўчына, Міхаіла Пішчалу, Святлану Котаву і Дзяніса Котава ў тым, што ў 2020 годзе ў жніўні і верасні яны ўдзельнічалі ў мірных шэсцях у Менску. А таксама ў тым, што яны «выходзілі на праезную частку», праз чаго нібыта блакавалі рух грамадскага транспарту.

Рэальнае пазбаўленне волі было прызначанае толькі аднаму чалавеку – Андрэю Ціманіну. Панасенка прыняла пастанову пакараць яго 2 гадамі калоніі ва ўмовах агульнага рэжыму. Нагадаем, у студзені 2024 года Ціманін меў таксама адміністрацыйны арышт за распаўсюджванне «экстрэмісцкіх матэрыялаў».

Уладзімір Іўчын і Дзяніс Котаў былі прысуджаны да 2 гадоў і 6 месяцаў абмежавання волі з накіраваннем на хімію.

Святлана Котава і Міхаіл Пішчала атрымалі абмежаванне волі без накіравання («хатняя хімія») тэрмінам на 2 гады.

Варта адзначыць, што Дзяніс Котаў і Святлана Котава – сямʼя. На іх утрыманні знаходзяцца малалетнія дзеці.

Напісаць каментар 3

Таксама сачыце за акаўнтамі Charter97.org у сацыяльных сетках