Крэмль шматзначна маўчаў

Сярэднявечная Візантыя з інтэрнэтам.

Учора было абвешчана афіцыйна, што прэзідэнт Пуцін накіроўваецца з візітам у КНДР. Да гэтага ўжо тыдні два цыркулявалі пагалоскі, але Крэмль шматзначна маўчаў, перыядычна заяўляючы, што калі надыдзе момант – аб усім паведамяць.

Звычка да таемных спецаперацыяў – гэта такі лад думкі і лад жыцця расейскага кіраўніцтва. Яно робіць сакрэт увогуле з усяго, нават з рэчаў, якія зусім не патрабуюць гэтага.

Улада разумее сваю сакральнасць у тым, што з усяго стварае нагоду падкрэсліць свой сакрамэнт і неспасціжнасць.

Парадокс у тым, што таемная падрыхтоўка да чаго-небудзь заўсёды суправаджаецца шырокімі падрыхтоўчымі мерапрыемствамі. Калі пачалі фарбаваць асфальт і ўкладваць траву – сапраўды прыедзе вялікі правадыр і настаўнік. ДАІ на дарогах выстаўляюць гадзіны за тры-чатыры да праезду картэжу. Сярэднявечная Візантыя з інтэрнэтам.

Разам з візітам у КНДР Пуцін наведае і В'етнам. Дарэчы, лагічная паездка. Вʼетнам, хоць і мае ВУП прыкладна ў 5 разоў меншы, чым Расея, але па абʼёме тавараабароту з Кітаем – галоўным зараз гандлёвым партнёрам Расеі і па сумяшчальніцтве яе метраполіяй – цалкам супастаўны з Расеяй.

Пры гэтым Вʼетнам – гэта даўно ўжо не краіна толькі рысавых палёў. Гэта зборачная пляцоўка высокатэхналагічнай прадукцыі, прычым такой, у якой адчайна мае патрэбу расейская эканоміка, якая хутка ператвараецца з развітой прамысловай у мануфактурную прамысловаю.

Праўда, Вʼетнам актыўна супрацоўнічае і з ЗША ў галіне замежнага гандлю, а таму ці захоча ён рызыкаваць ужо існым абʼёмамі гандлю дзеля нейкіх вельмі сумнеўных кантрабандных аперацый з Расеяй – гэта пытанне.

Акрамя таго, вʼетнамцы дастаткова моцна змяніліся ў плане дастатку, а таму знайсці там гастарбайтараў у масавым парадку таксама праблематычна.

Хутчэй за ўсё, Пуцін будзе спрабаваць дамовіцца аб пастаўках вʼетнамскай высокатэхналагічнай прадукцыі праз трэція-чацвёртыя краіны. Ну, і заадно прапанаваць расейскую нафту, якую дзяваць ужо асабліва няма куды.

Эль Мюрыд, «Тэлеграм»