СМІ: Італія можа перадаць Украіне дальнабойныя ракеты Storm Shadow

Ужо ў наступным пакеце вайсковай дапамогі.

Італія можа перадаць Украіне дальнабойныя ракеты Storm Shadow у чарговым пакеце вайсковай дапамогі.

Пра гэта паведамляе італьянская газета Fatto Quotidiano.

Дзявяты пакет узбраенняў для Украіны, які міністр абароны Гвіда Кразета падасць парламенту да канца месяца, будзе змяшчаць не толькі сістэму СПА Samp-T, але і партыю ракет вялікай далёкасці Storm Shadow, здольных, патэнцыйна, наносіць удары па тэрыторыі Расеі, паведамілі выданню аўтарытэтныя крыніцы, знаёмыя з сітуацыяй.

Ракеты Storm Shadow – гэта дальнабойныя, малапрыкметныя, авіяцыйныя крылатыя ракеты класа «паветра-зямля», распрацаваныя сумеснымі намаганнямі Францыі і Вялікай Брытаніі. Французскія аналагі носяць назву Scalp.

Вось некаторыя з ключавых характарыстык ракет Storm Shadow:

Далёкасць: Больш за 560 кіламетраў, што дазваляе ім пашкоджваць мэты далёка за межамі варожай СПА.

Высокая дакладнасць: Абсталяваная сучаснай сістэмай TERCOM (Terrain Contour Matching) і GPS-навігацыяй, якая забяспечвае высокую дакладнасць паразы.

Малая прыкметнасць: Малая радыёлакацыйная бачнасць абцяжарвае іх выяўленне варожымі радарамі.

Гнуткасць: могуць быць запраграмаваны на напад розных цэляў, уключаючы бункеры, сістэмы СПА і масты.