Дыетолаг расказала, што адбудзецца з арганізмам, калі штодня піць гарбату з малаком.

Ёсць як плюсы, так і мінусы.

Гарбата з малаком – гэта цудоўны духмяны напой, які стаў асноўным прадуктам у многіх культурах свету. У гэтага любімага напою ёсць легіёны адданых прыхільнікаў, якія не могуць пачаць свой дзень без яго, піша The Indian Express.

Але што адбываецца з вашым целам, калі вы робіце гарбату з малаком штодзённым рытуалам? Пра гэта выданню распавядае Іпсіта Чакраборці, старэйшы дыетолаг Hungry Koala.

«Дзякуючы кальцыю ў малацэ вашы косткі могуць крыху акрэпнуць. Гэта асабліва карысна, калі вы старэеце і хочаце пазбегнуць астэапарозу. Кафеін у гарбаце можа дапамагчы вам адчуваць сябе больш пільнымі і засяроджанымі. Гэта як лёгкі штуршок для вашага розуму. Гарбата таксама поўная антыаксідантаў, якія, як малюсенькія шчыты, абараняюць вашыя клеткі ад пашкоджання», – кажа экспэрт.

У той жа час адзначаецца, што ў некаторых людзей малако і гарбата штодзень дрэнна спалучаюцца ў кішэчніку. Гэта можа прывесці да ўздуцця жывата, газаў і нястраўнасці. Многія малочныя гарбаты ўтрымліваюць шмат цукру і калорый. Занадта шмат гэтага напою можа прывесці да павелічэння вагі і патэнцыйна павялічыць рызыку дыябету 2 тыпу. Акрамя таго, празмерная колькасць кафеіну можа выклікаць большае жаданне наведваць туалет, што можа прывесці да абязводжвання, калі вы п'яце недастаткова вады.

Чакраборці сцвярджае, што кафеін у малочнай гарбаце – гэта палка аб двух канцах.

«Пры штодзённым спажыванні ён можа хутка ўзбадзёрыць і дапамагчы лепш засяродзіцца. Але занадта шмат кафеіну таксама можа прывесці да трывогі, турботы і ўскладніць засынанне», – рэзюмуе дыетолаг.