Беларускага дызайнера западозрылі ў запазычанні ў вядомага брэнда
15- 18.06.2024, 19:11
- 11,776
![Беларускага дызайнера западозрылі ў запазычанні ў вядомага брэнда](https://i.c97.org/ai/599459/aux-head-1718726578-20240101_mbape_360.jpg)
Фотафакт.
Карыстальніца X звярнула ўвагу на калекцыю «Гольф» вядомага беларускага дызайнера Івана Айплатава. На адной з сукенак яна заўважыла элемент, які вельмі нагадвае лагатып вядомага брэнду адзення, піша «Люстэрка».
«А вы таксама бачыце тут несумленны нават не закос, а, я б сказала, нават падабенства да ступені змешвання з Fred Perry? Айплатаў, напэўна, скажа, што натхніўся, але… Як вы да такога ставіцеся?» – задала пытанне дзяўчына.
![](https://i.c97.org/ai/599459/aux-1718726618-11.jpg)
На сукенцы з калекцыі «Гольф», створанай Іванам Айплатавым, коштам 420 рублёў насамрэч ёсць элемент, які нагадвае лагатып брытанскай кампаніі Fred Perry. Гэтая кампанія займаецца вытворчасцю спартовага адзення і ўважаецца за адну з самых паспяховых у сваёй галіне.
![](https://i.c97.org/ai/599459/aux-1718726618-22.jpg)
Пры гэтым элементы ўсё ж адрозніваюцца – каляровай гамай і формай.