Напад дронаў на нафтабазу ў Растоўскай вобласці: З'явіліся спадарожнікавыя здымкі наступстваў

Днём на тэрыторыі нафтабазы прадаўжаўся пажар.

Украінскія дроны ўначы 18 чэрвеня атакавалі нафтабазу ў горадзе Азоў Растоўскай вобласці РФ. У сетцы з'явіліся спадарожнікавыя здымкі наступстваў удару, на якіх відаць моцны пажар.

Пра гэта паведамляюць «Схемы».

Паводле здымкаў, зробленых а 14:30 паводле Менска, на тэрыторыі нафтабазы прадаўжаецца пажар.

Аднак ацаніць ступень паразы нафтабазы пакуль складана, бо клубы дыму абмяжоўваюць бачнасць.

Журналісты адзначаюць, што пашкоджаная нафтабаза належыць прадпрыемству «Азоўпрадукт». Праз гэты расейскі тэрмінал праходзіць да 60 тысячаў тонаў нафтапрадуктаў за месяц, а на захоўванні адначасова можа знаходзіцца да 30 тысячаў кубаметраў нафтапрадуктаў у цыстэрнах, якія загарэліся ў выніку нападу ўкраінскіх беспілотнікаў.