22 лiпеня 2024, панядзелак, 23:12
Падтрымайце
сайт
Сім сім,
Хартыя 97!
Рубрыкі

У Менску прадаюць кватэру з унікальным выглядам на Асмалоўку

5
У Менску прадаюць кватэру з унікальным выглядам на Асмалоўку

Такі гаўбец - адзін у сталіцы.

На Камуністычнай на продаж на Realt выставілі кватэру ў сталінцы, якая будавалася для афіцэраў Беларускай вайсковай акругі. Але галоўная асаблівасць гэтага жылля - гаўбец. Ён адзіны ў цэнтральнай частцы дома і з яго адкрываецца цудоўны выгляд на Асмалоўку.

Гэты чатырохпавярховы цагляны дом знаходзіцца Камуністычнай, 7 - гэта на скрыжаванні Камуністычнай і Чычэрына. Шмат хто ведае яго праз знаходжанне на першым паверсе кавярні «Гурман». Вось гэтае месца на мапе:

Яго пабудавалі ў 1954 годзе для афіцэраў Беларускай вайсковай акругі. У 2018 годзе ў будынку прайшоў глабальны капрамонт.

А зараз тут на продаж выставілі кватэру на чацвёртым паверсе, вокны якой выходзяць і на Камуністычную, і на Чычэрына. А яшчэ ў ёй ёсць адзіны гаўбец у цэнтральнай частцы гэтага будынка. З яго адкрываецца вось такі выгляд на Асмалоўку:

Сама кватэра двухпакаёвая. Столі - 2,92 метра. Плошча - 53,5 метра. У яе такая планіроўка:

Кухню ў кватэры гаспадары сумясцілі з гасцёўняй. Выглядае гэта так:

Маецца ў кватэры таксама асобная спальня і сумешчаны санвузел.

У аб'яве сказана, што пры рамонце выкарыстоўваліся дарагія і якасныя матэрыялы. На падлозе ў жылых пакоях выкладзеная паркетная дошка. У калідоры, санвузле і кухні - гішпанская плітка.

- Рамонт вырабляўся з поўнай заменай усіх унутраных камунікацый, уключаючы стаякі каналізацыі і водазабеспячэння. Выкананая дадатковая гукаізаляцыя перагародак з суседнімі кватэрамі, а таксама падлогі, - піша аўтар.

Побач з домам знаходзіцца не толькі Асмалоўка, але і Вялікі тэатр. Да плошчы Перамогі - хвілін 10 пешшу.

За кватэру просяць 137 тысяч даляраў. Метр выходзіць па 2561 даляр.

Напісаць каментар 5

Таксама сачыце за акаўнтамі Charter97.org у сацыяльных сетках