Леанід Неўзлін: Прыгожын праслухоўваў Крэмль

І збіраў кампрамат.

23 чэрвеня споўніцца год з пачатку бунту кіраўніка ПВК "Вагнера" Яўгена Прыгожына. Праз два месяцы пасля яго самалёт з бунтаўніком узарвалі.

Вядомы грамадскі дзеяч і бізнэсовец Леанід Неўзлін у Telegram расказаў аб падрабязнасцях бунту:

— Мая крыніца ў ФСА растлумачыла для мяне карціну, распавёўшы пра адстуны элемент гэтай крывавай галаваломкі.

У непасрэднай блізкасці ад Крамля летам 2022 года прыгожынскія спецыялісты ўстанавілі магутную сістэму праслухоўвання. Сярэднія гандлёвыя шэрагі, вялікі гістарычны квартал, выходзяць фасадам на Крэмль, яго карпусы рэстаўравала (як высветлілася, вельмі дальнабачна) структура Прыгожына. Так што з доступам да памяшкання з мэтай усталявання праслухоўвання ў Прыгожына праблем не было. Гэта было высокадакладнае абсталяванне, суперпрафесійнае, як і многае, што ўмеў Прыгожын. Тут трэба аддаць яму належнае.

Сярод аб'ектаў праслухоўвання, як піша Леанід Неўзлін, былі памяшканні Адміністрацыі Пуціна ўнутры Крамля:

- Прыгожын збіраў кампрамат на сапраўды ненавісных яму ворагаў і - на ягонае разуменне - здраднікаў радзімы. А разуменне ў Прыгожына - так, д'ябла, бандыта і забойцы, але і шчырага патрыёта - былі вельмі канкрэтныя. Я ўжо пісаў аб барацьбе і адкрытай, і непублічнай Прыгожына са зладзеямі накшталт Цімура Іванова ў сістэме Мінабароны. Ужо да лета 2022 года ў Прыгожына склалася дакладнае ўяўленне аб тым, што вайну трэба спыняць на прымальных для РФ умовах. Раўналежна, як мы памятаем, у той момант усё больш узрастаў ягоны ўплыў і публічная актыўнасць.

Прыгожын, паводле слоў Неўзліна, рыхтаваўся да перавароту загадзя:

- Ніякі ўказ Шайгу аб кантрактах для вагнераўцаў не вывеў бы яго з сябе да такой ступені, каб ён пайшоў у паход на Маскву, не такі ён быў чалавек. Ён быў разумны, разважлівы і стрыманы. Але яму не ставала часу.

Са сведчанняў маёй крыніцы ў ФСА, у чэрвені 2023 года (за некалькі дзён да бунту) канспіратыўнае памяшканне было раскрытае. Падчас вобшуку знайшлі вялізную колькасць назапашаных за год матэрыялаў. Налётчыкі са вобшукам пакінулі Яўгену Прыгожыну адназначнае пасланне: свежаадсечаную свіную галаву. Ён асмеліўся праслухоўваць Крэмль, довады - на радасць партыі вайны Кавальчука і Ратэнбэрга, прадажнага Шайгу і іншых чальцоў мафіі - былі здабытыя. З гэтага моманту ніякіх шанцаў на добра падрыхтаваны бунт у Яўгена Прыгожына ўжо не засталося, давялося дзейнічаць згодна з сітуацыяй.