У Растоўскай вобласці РФ разгерметызаваўся нафтавы рэзервуар у агні

Нафтабазу ў Азове атакавалі дроны.

На нафтабазе ў Азове ў Растоўскай вобласці, дзе другі дзень не ўдаецца патушыць пажар, які ўзнік у выніку атакі дрона, адбылася разгерметызацыя рэзервуара з нафтапрадуктамі, паведаміў губернатар Васіль Голубеў.

«Ліквідаваць узгаранне дагэтуль не атрымліваецца. А 16:40 адбылася разгерметызацыя 2-га рэзервуара. Спецыялісты МНС працягваюць працу па тушэнні пажару», - напісаў кіраўнік рэгіёну ў тэлеграм-канале.

Голубеў а 4 гадзіне раніцы 18 чэрвеня паведаміў, што ў Азове пасля нападу дрона загарэліся рэзервуары з нафтапрадуктамі.