Атака на нафтабазу «Лукойла» ў Адыгеі: з'явіліся новыя падрабязнасці
2- 20.06.2024, 10:47
- 5,596
Плошча пажару склала больш за 1 000 квадратных метраў.
У Расеі ў ноч на 20 чэрвеня прынамсі чатыры беспілотнікі атакавалі нафтабазу "Лукойла" ў Адыгеі. Аб гэтым паведамляе расейскае выданне Baza.
“Нафтабаза “Лукойла” ў пасёлку Энем у Адыгеі, папярэдне, была атакаваная чатырма беспілотнікамі. Атака пачалася а 2.40 раніцы. У выніку падзення чатырох беспілотнікаў адбыўся выбух з наступным узгараннем металакаркаснага склада прысадак бензіну АІ-95”, - гаворыцца ў паведамленні.
Адзначаецца, што плошча пажару складала больш за 1000 квадратных метраў. А 6 раніцы пажарныя змаглі патушыць узгаранне.
На месцы працавалі аператыўныя службы і следчыя.
У Мінабароны Расеі заявілі, што тэрыторыю РФ атакавалі 12 беспілотнікаў у розных рэгіёнах краіны.
“Дзяжурнымі сродкамі СПА перахоплена і знішчана 6 БПЛА над тэрыторыяй Рэспублікі Адыгея, 3 БПЛА над тэрыторыяй Бранскай вобласці, 3 БПЛА над тэрыторыяй Краснадарскага краю, 1 БПЛА над тэрыторыяй Растоўскай вобласці, 1 БПЛА над тэрыторыяй Белгарад”, - гаворыцца ў паведамленні.