Рагозін запанікаваў праз «моцны контрудар» УСУ

Названы кірунак.

Расейцы выказваюць сур'ёзныя асцярогі ў сувязі з магчымымі контрнаступальнымі ўдарамі з боку Украіны. Былы кіраўнік Раскосмасу Дзмітрый Рагозін заявіў, што ўкраінскае войска нібыта рыхтуецца да новага контрнаступу на Поўдні, паведамляе dialog.ua.

У сваім Telegram-канале ён адзначыў, што УСУ праводзяць дыстанцыйнае мінаванне запарожскіх і херсонскіх прыфрантавых дарог з дапамогай цяжкіх начных дронаў, каб перашкодзіць ратацыі расейскіх войскаў на пярэднім краі.

Са слоў Рагозіна, такім чынам УСУ абцяжарваюць хуткае перакіданне рэзерваў і боепрыпасаў для падтрымкі сваіх частак.

Ён таксама падкрэсліў, што высокая актыўнасць падраздзяленняў УСУ на дняпроўскіх астравах і ў раёне Крынак, а таксама сістэматычныя ўдары па расейскіх сістэмах СПА і аэрадромах у акупаваным Крыме сведчаць аб падрыхтоўцы да рэалізацыі плана ўкраінскага Генштаба.

Гэты план, на думку Рагозіна, накіраваны на прарыў праз Херсонскі і Запарожскі франты да Крымскай паўвыспы.

Заявы Рагозіна выклікаюць трывогу ў расейскім грамадстве, падкрэсліваючы напружанасць і няўстойлівасць сітуацыі на фронце.