Лукашэнкаўскае МЗС звар'яцела

І прынялася вучыць "правам чалавека" еўрапейцаў.

Лукашэнкаўскае МЗС з калегамі з РФ выдала 20 чэрвеня супольны даклад "Аб сітуацыі з правамі чалавека ў асобных краінах". У ім дэмакратычныя краіны абвінавачваюцца ва "ўцісканні правоў чалавека".

Даклад складаецца з 1.828 старонак, ён апублікаваны на сайце МЗС Беларусі.

У дакумент уключаны 43 краіны (у тым ліку ўсе 27 дзяржаў ЕЗ): Аўстралія, Аўстрыя, Албанія, Балгарыя, Бэльгія, Боснія і Герцагавіна, Вялікабрытанія, Вугоршчына, Нямеччына, Грэцыя, Данія, Ірландыя, Ісландыя, Гішпанія, Італія, Канада, Кіпр, Косава (Беларусь і РФ не прызнаюць яго незалежнасць), Латвія, Літва, Люксембург, Мальта, Малдова, Нідэрланды, Новая Зеландыя, Нарвэгія, Польшча, Партугалія, Румынія, Паўночная Македонія, Славакія, Славенія, ЗША, Украіна, Фінляндыя, Францыя, Харватыя, Чарнагорыя, Чэхія, Швайцарыя, Швэцыя, Эстонія, Японія.

Больш за ўсё ўвагі ў дакуменце нададзена дзяржавам, якія мяжуюць з Беларуссю і РФ.