Войска РФ упершыню скінула на Украіну ФАБ-3000
16- 20.06.2024, 17:50
- 21,954
Відэафакт.
Расея ўпершыню скінула на Украіну звышцяжкую бомбу ФАБ-3000, паведамляе эксперт BILD у аналізе адкрытых звестак Юльян Рэпке. Раней ён пісаў аб масавым выкарыстанні ва Украіне самай цяжкай на той момант плануючай фугаснай авіябомбы ФАБ-1500-М54. Сёння з'явіліся паведамленні, што на сяло Ліпцы Харкаўскай вобласці скінулі трохтонную бомбу ФАБ-3000 М-54 з кіраваным модулем планавання і карэкцыі (УМПК).
«Сёння Расея скінула на Украіну першую ФАБ-3000 М-54 УМПК, пашкодзіўшы будынак «Новай Пошты» №1 у прыфрантавым пасёлку Ліпцах Харкаўскай вобласці. Цяжкая бомба масай 3 тоны (баявая частка 1,2 тоны) упала за 15 метраў ад будынка, але ўсё адно прычыніла яму сур'ёзную шкоду», — піша Рэпке.
Расейскі тг-канал Fighterbomber, які апублікаваў відэа з ФАБ-3000, піша, што гэта «першае баявое ўжыванне ў гісторыі чалавецтва бомбы такога калібру з УМПК». Паводле ягоных звестак, «радыус суцэльнай паразы ў ФАБ-3000 230 метраў, а аскепкі захоўваюць сваю забойную сілу на далёкасці 1240 метраў».
#Breaking
— Julian Röpcke🇺🇦 (@JulianRoepcke) June 20, 2024
Today, Russia dropped the first FAB-3000 M-54 UMPK on Ukraine, hitting the Nova Poshta number 1 building inthe frontline village of #Lyptsy, Kharkiv region.
➡️The 3 ton heavy bomb (1.2 tons warhead) missed the building by 15 meters, but still caused heavy damage to it. pic.twitter.com/Zh92nU5q6X
