У Беларусь прыляцеў кіраўнік ФСБ РФ

Самалёт Бортнікава прызямліўся ў Берасці.

Самалёт Ту-154М СЛО прызямліўся ў аэрапорце «Брэст» а 16.23. На борце знаходзілася дэлегацыя ФСБ Расеі на чале з дырэктарам Аляксандрам Бортнікавым, паведамляюць беларускія маніторынгавыя групы.

Судзячы з усяго, Бортнікаў і яго падначаленыя возьмуць удзел у памятных мерапрыемствах, прысвечаных пачатку ВАВ 22 чэрвеня.