Каманда Англіі згуляла ўнічыю з Даніяй у матчы Еўра-2024

1:1.

Каманда Англіі згуляла ўнічыю з камандай Даніі з лікам 1:1 у матчы другога туру групавога этапу Еўра-2024. Сустрэча адбылася ў Франкфурце-на-Майне.

У ангельцаў вызначыўся Гары Кейн (18-я хвіліна), у датчанаў гол прыгожым далёкім ударам забіў Мортэн Юльман (34).

Кейн стаў трэцім ангельцам у гісторыі, які забіў на чатырох буйных турнірах, пасля Майкла Оўэна і Уэйна Руні. Таксама Кейн – першы ангелец у гісторыі, які забіў пяць ці больш галоў і на Еўра, і на ЧС.

У першай гульні ў групе С Англія перамагла Сербію (1:0), а славенцы згулялі ўнічыю з Даніяй (1:1). У другім туры Славенія і Сербія згулялі ўнічыю (1:1).

Заключныя сустрэчы на групавым этапе каманды правядуць 25 чэрвеня: датчане сустрэнуцца з сербамі ў Мюнхене, а славенцы – з ангельцамі ў Кёльне.

У 1/8 фіналу Еўра выйдуць каманды, якія занялі першае і другое месцы ў сваіх групах, а таксама чатыры найлепшыя каманды, якія занялі трэція месцы. У Англіі пакуль чатыры балы, у Славеніі і Даніі – два ў кожнай, у Сербіі – адзін.