Дроны масавана атакавалі поўдзень Расеі

Гарыць вайсковы аэрадром у Ейску.

У ноч на 21 чэрвеня беспілотнікі атакавалі Краснадарскі край і рэспубліку Адыгею ў РФ. Пра гэта паведаміла расейскае медыя ASTRA.

Паведамляецца, што БПЛА атакавалі Ейск, дзе размешчаны вайсковы аэрадром. Пасля нападу дронаў у горадзе пачаўся пажар.

Акрамя таго, як адзначылі журналісты, выбухі былі чуваць у пасёлку Яблонаўскім у Адыгеі.

Губернатар Краснадарскага Краю Веньямін Кандрацьеў у сябе ў Telegram напісаў, што масаваны напад зазналі аб'екты інфраструктуры. У Краснадары пашкоджаны будынак кацельні побач з аўтавакзалам «Паўднёвы». У Северскім раёне на тэрыторыі нафтаперапрацоўчага завода былі пашкоджаныя адміністрацыйныя будынкі.

Таксама Аператыўны штаб Краснадарскага краю паведаміў аб падзенні БПЛА на тэрыторыі Ільскага НПЗ. Былі пашкоджаныя гаспадарчыя збудаванні. Пачаўся пажар на пляцы 50 квадратных метраў.

Таксама журналісты паведамілі, што ў Краснадары на Паўднёвым вакзале быў збіты робат, у выніку чаго пашкоджаны аўтобус. Акрамя таго, пад атакай БПЛА выявіўся горад Валгаград.