Арменія прызнала Палестыну як дзяржаву

Апублікаваная заява МЗС краіны.

Улады Арменіі абвясцілі аб прызнанні Палестыны як дзяржавы.

Пра гэта паведамляе прэс- служба Міністэрства замежных спраў Арменіі.

У ведамстве заявілі, што Арменія далучылася да рэзалюцый Генеральнай Асамблеі ААН, якія заклікаюць да неадкладнага спынення агню ў Сектары Газа.

У МЗС падкрэслілі, што Арменія шчыра зацікаўленая ва ўстанаўленні міру і стабільнасці на Блізкім Усходзе, устанаўленні трывалага замірэння паміж юдэйскім і палестынскім народамі.

«На розных міжнародных пляцоўках мы заўсёды выступалі за мірнае і ўсёабдымнае ўрэгуляванне палестынскага пытання і падтрымліваем прынцып «дзвюх дзяржаў» урэгулявання ізраільска-палестынскага канфлікту», - гаворыцца ў паведамленні.

У ведамстве заявілі, што Ерэван перакананы, што «гэта адзіны спосаб» гарантаваць, што палестынцы і ізраільцяне змогуць рэалізаваць свае законныя спадзяванні.

«На падставе вышэйпададзенага і пацвярджаючы сваю прыхільнасць міжнароднаму праву і прынцыпам роўнасці, суверэнітэту і мірнага суіснавання народаў, Рэспубліка Арменія прызнае дзяржаву Палестына», - гаворыцца ў паведамленні.