УСУ стукнулі па месцах захоўвання расейскіх «Shahed»

Серыя выбухаў і пажар з дэтанацыяй адбыліся ў Краснадарскім краі.

Украінскія абаронцы ўначы, 21 чэрвеня, ударылі па месцах захоўвання і падрыхтоўкі да ўжывання расейскіх беспілотнікаў «Shahed».

Аб гэтым заявіў Генштаб УСУ.

«Таксама, сёння ўначы (21 чэрвеня - рэд.) Сілы абароны Украіны нанеслі паспяховы ўдар па месцах захоўвання і падрыхтоўкі да ўжывання «Shahed-136/Герань-2», навучальных карпусах, пунктах кіравання і сувязі разлікаў гэтых БПЛА, размешчаных у Краснадарскім краі», - гаворыцца ў паведамленні.

Паведамляецца таксама, што пасля баявой працы зафіксавалі серыю выбухаў і пажар з наступнай дэтанацыяй.