«Пакупнікі неўзабаве давыдурняюцца»

Працаўніца гандлю расказала пра «сюрпрыз», які атрымала ад наймальніка.

Беларуска Вікторыя расказала ў TikTok, што чатыры гады працавала касіркай у сталічнай краме “Гіпа” і захацела звольніцца. Пры разліку праз скаргу пакупніка з яе ўтрымалі большую частку прэміі, у выніку яе заробак быў меншы за тарыф, піша zerkalo.io.

Вікторыя распавяла, што чатыры гады працавала ў краме "Гіпа", якая размешчаная ў ГЗЦ DiaMond city (гэта за МКАД каля мікрараёна Малінаўка). Пры звальненні жанчыну, паводле ейных слоў пазбавілі 80% прэміі, прычына - "неабгрунтаваная скарга ад пакупніка".

- Куратар крамы сказаў, што так, гэта пазбаўленне неабгрунтаванае, але калі я застануся працаваць на адным з аб'ектаў “Гіпа”, то ён асабіста мне выпіша гэтую прэмію. А так пазбаўляе мяне на 488 рублёў, - распавяла жанчына на відэа.

Яна таксама паведаміла, што ў красавіку працавала ў краме 15 дзён. Змены былі два праз два, практычна ўсе яны доўжыліся па 13 гадзін. За гэтую працу яна атрымала на рукі 642 рублі, пры гэтым тарыф складае 710 рублёў.

У каментарах жанчына дадала, што яна – самотная маці, а на атрыманыя грошы ёй з дзіцём трэба "пастарацца праіснаваць". Гледачы раілі ёй абскардзіць гэту пастанову ў розных інстанцыях, на гэта цік-токерка адказала, што ў «Гіпа» няма прафсаюза, камісіі ў працоўных спрэчках, а “Мінпрацы не баяцца”. Аднак Вікторыя заявіла, што мела намер звяртацца ў суд.

Вось некаторыя каментары, пакінутыя пад відэа карыстальнікамі TikTok.

• “Вельмі хочацца, каб усе крамы закранулі праверкі з нагоды аплаты працы і процьмы парушэнняў кіраўнікоў у дачыненні да работнікаў”.

• “Адпрацаваўшы снежань, самы цяжкі месяц, таксама па 13 гадзін (паводле графіку) 2 праз 2, я атрымала 680 рублёў. Пасля інвентарызацыі прэмію не далі ўвогуле, крадуць пакупнікі, а плацяць прадаўцы, ахоўнікаў няма”.

• “У нас колькі б пакупнікі ні скардзілася, ніхто не пазбаўляў грошай. Усё залежыць ад загадчыка крамы. Цяпер вельмі цяжка працаваць у краме маральна”.

• “Пакупнікі хутка давыдурняюцца, што рэальна людзі пагалоўна пачнуць сыходзіць з гандлю”.

• “Гандаль зараз - гэта пекла”.