Беларус, якога затрымалі ў Арменіі, атрымаў палітычны прытулак

Яго вызвалілі.

Беларус Максім Вайткявічус, затрыманы ў Арменіі на запыт беларускіх уладаў, вызвалены і атрымаў палітычны прытулак, паведамляе factor.am. Вайткявічуса вызвалілі 19 чэрвеня.

Вайткявічуса затрымалі ў лютым пры перасячэнні мяжы з Арменіяй на падставе таго, што Беларусь абвясціла яго ў вышук паводле справы аб ухіленні ад службы. Спачатку яго затрымалі на 40 дзён, пасля тэрмін быў прадоўжаны. У сакавіку ён падаў прашэнне аб прытулку.

Абарона звяртала ўвагу, што ў Беларусі ён адбыў 15 сутак арышту, яго пераследавалі за палітычныя погляды ў 2020 годзе.