16 лiпеня 2024, aўторак, 18:55
Падтрымайце
сайт
Сім сім,
Хартыя 97!
Рубрыкі

Стала вядома, якую зброю Паўднёвая Карэя паставіць Украіне

11
Стала вядома, якую зброю Паўднёвая Карэя паставіць Украіне

Існуюць розныя варыянты.

СМІ ўдакладнілі, якую зброю Паўднёвая Карэя можа паставіць Украіне Аб'ём паставак будзе залежаць ад пазіцыі Крамля датычна яго стасункаў з КНДР.

На днях ва ўрадзе Паўднёвай Карэі дапусцілі магчымасць паставак зброі Украіне. Такім чынам у Сеуле адрэагавалі на падпісанне «стратэгічнай» дамовы паміж Масквой і Пхеньянам.

Агенцтва Yonhap удакладняе са спасылкай на крыніцы ў паўднёвакарэйскім урадзе, што ўлады краіны могуць ухваліць пастаўкі Кіеву сістэмаў СПА і артылерыйскіх снарадаў калібру 155 мм.

Паводле словаў чыноўніка, з якім пагутарылі журналісты, існуюць розныя варыянты вылучэння ўзбраенняў Кіеву.

Пазіцыя Сеула ў гэтым пытанні будзе залежаць ад крокаў Крамля датычна яго стасункаў з Паўночнай Карэяй.

Да гэтага Паўднёвая Карэя давала Украіне толькі несмяротнае абсталяванне, кіруючыся палітыкай, якая забараняе пастаўляць смяротную зброю дзяржавам, што знаходзяцца ў стане вайны.

Напісаць каментар 11

Таксама сачыце за акаўнтамі Charter97.org у сацыяльных сетках