Украіна ўжыла дроны, якія ставяць ворага ў тупік

Fury PRO выкрадаюць зброю ў расейцаў.

Украінская каманда Drone Squad разам са «СпецТэхнаЭкспарт» (STE) прапанавала свой ударны беспілотнік Fury PRO на выставе Eurosatory 2024, якая праходзіць з 17 да 21 чэрвеня ў Парыжы. Прадстаўнік праекту на правах ананімнасці расказаў «Фокусу» пра асаблівасці выкарыстання гэтых БПЛА ў баявых умовах.

Паводле ягоных словаў, баявыя коптары Fury PRO цяпер выкарыстоўваюцца амаль на ўсіх адрэзках фронту. Украінскія вайскоўцы ледзь не штодня падаюць новыя відэа паразы.

«Ёсць вельмі паспяховыя кейсы мінавання, калі ўначы заносяць супрацьтанкавую міну і скідаюць на дарогу, а раніцай варожы багі падрываецца на ёй», – падзяліўся распрацоўнік.

Яшчэ адно цікавае і крыху нечаканае для стваральнікаў Fury PRO выкарыстанне – гэта пазбаўленне акупантаў іх зброі. Адзін з экіпажаў здагадаўся прымацаваць да дрона магніт і выправіў яго ў шэрую зону, дзе расейскія войскі пайшлі ў наступ, а там падчапілі і забралі аўтамат аднаго з захопнікаў, а потым даставілі да сваёй пазіцыі і затрафеілі.

«Гэта цікавы кейс, я нават не думаў, што так можна рабіць», – прызнаўся прадстаўнік Drone Squad, – «А так стала "разбіраюцца" пазіцыі, скідаюцца на іх 120-міліметровыя і супрацьтанкавыя міны ТМ-62».

Ваенныя падраздзяленні, якія карыстаюцца Fury Pro, увесь час дасылаюць свае водгукі ці падаюць новую інфармацыю. Дзякуючы гэтаму інжынеры ўвесь час удасканальваюць дроны.

Як расказаў прадстаўнік Drone Squad, беспілотнік выклікаў немалую цікавасць на выставе Eurosatory 2024, асабліва дзякуючы відэазапісам з паразамі. За мяжой ніхто раней не задумваўся, што супрацьтанкавыя міны, якія звычайна ўсталёўваюць на зямлі ці на дарогах, можна скідаць з дрона.

«Ёсць ужо станоўчыя вынікі дзякуючы нэтворкінгу і цікавыя патэнцыйныя партнёры, якія хацелі б разам нешта рабіць», – адзначыў ён.