16 лiпеня 2024, aўторак, 17:54
Падтрымайце
сайт
Сім сім,
Хартыя 97!
Рубрыкі

Беларуска Вольга Мазуронак перамагла ў маратоне ў ЗША

3
Беларуска Вольга Мазуронак перамагла ў маратоне ў ЗША
Вольга Мазуронак

З найлепшым вынікам у кар'еры.

Беларуская бягуха Вольга Мазуронак, якая цяпер у ЗША, стала пераможцай Grandma'S Marathon — штогадовага маратону, які праводзіцца ў месце Дулуце (штат Мінэсота).

Мазуронак, якая ўвесь час была ў лідэрах, прабегла класічную маратонскую дыстанцыю 42 кіламэтры 195 мэтраў за 2 гадзіны 23 хвіліны і 51 сэкунду.

Гэта найлепшы вынік у гісторыі маратонаў у Дулуце і асабовы рэкорд беларускі. Даўней яна не бегала хутчэй за 2 гадзіны 23 хвіліны і 54 сэкунды, а папярэдні рэкорд быў пастаўлены ва ўжо далёкім 2016 годзе ў Лондане.

Даўней сёлета, 17 сакавіка, Мазуронак заняла другое месца на дыстанцыі 42 кіламэтры 195 мэтраў у Лос-Анджэлесе.

Вольга Мазуронак мае 35 гадоў, яна была чэмпіёнкай Еўропы ў маратоне 2018 года, двойчы (у 2016 годзе ў Рыа-дэ-Жанэйра і ў 2021-м у Токіё) займала пятае месца на Алімпійскіх гульнях) і аднойчы — тое ж пятае месца на чэмпіянаце свету 2019 года ў катарскай Досе.

Пасля «выбараў» у Беларусі ў 2020 годзе Вольга Мазуронак падпісала ліст вольных спартоўцаў супраць гвалту.

Напісаць каментар 3

Таксама сачыце за акаўнтамі Charter97.org у сацыяльных сетках