Польшча можа закрыць астатнія два пункты пропуску на мяжы з Беларуссю

Пра гэта заявіў кіраўнік МЗС Польшчы.

Урад Польшчы разглядае магчымасць закрыцця ўсіх астатніх пунктаў пропуску на мяжы з Беларуссю. Аб гэтым 22 чэрвеня ў інтэрв'ю ў эфіры тэлеканала TVN заявіў міністр замежных спраў Польшчы Радаслаў Сікорскі.

- У сувязі з дзеяннямі Беларусі мы разглядаем магчымасць закрыцця ўсіх памежных пераходаў. Цяпер мы вывучаем пытанне аб тым, ці ўплывае гэта на эканоміку, - сказаў Сікорскі.

Ён растлумачыў, што гэта звязана з мігрантамі на мяжы.

- Фіны закрылі памежныя пераходы з Расеяй, і праблемы скончыліся, - дадаў міністр.