22 лiпеня 2024, панядзелак, 13:55
Падтрымайце
сайт
Сім сім,
Хартыя 97!
Рубрыкі

Палкоўнік УСУ назваў «трыяду» для перамогі над РФ у небе

Палкоўнік УСУ назваў «трыяду» для перамогі над РФ у небе

Частка зброі можа быць атрыманая з Польшчы.

Каб дасягнуць перавагі над авіяцыяй Расеі, Украіне неабходная «трыяда» сродкаў. Гэта самалёты-знішчальнікі, самалёты далёкага радыёлакацыйнага выяўлення і эфектыўныя сродкі СПА.

Такое меркаванне ў эксклюзіўным інтэрв'ю OBOZ.UA выказаў лётчык-інструктар, палкоўнік УСУ ў запасе, вайсковы эксперт Раман Світан. Пры гэтым знішчальнікі F-16 з'яўляюцца абавязковай складовай часткай гэтай «трыяды», падкрэсліў ён.

Як растлумачыў Світан, неабходныя «самалёты-знішчальнікі, перахопнікі, бамбавікі і штурмавікі». Пры гэтым толькі адзін самалёт з'яўляецца шматфункцыянальнай машынай, якая злучае ў сабе ўсе чатыры функцыі, і гэта F-16.

«Чаму нам патрэбны менавіта F-16? Таму што яны акурат убудоўваюцца ў гэтую сістэму. Іншыя самалёты цалкам у яе не ўбудуюцца - тыя ж Gripen ці Mirage. Яны могуць выконваць нейкія свае задачы, але ўсе чатыры задачы можа выконваць толькі F-16, бо гэта шматфункцыянальная платформа, якая якраз для гэтага і прызначаная», - сказаў эксперт.

Другі складнік - самалёты-лятаючыя радары, самалёты далёкага радыёлакацыйнага выяўлення. «Нам перадалі два такія самалёты швэды. Ёсць магчымасць атрымання такіх жа самалётаў ад Польшчы», - распавёў эксперт.

І, нарэшце, трэці складнік - эфектыўная супрацьпаветраная абарона. «Гэта зенітна-ракетныя комплексы тыпу Patriot або SAMP/T».

«Такая трыяда перавагі ў паветры дасць магчымасць выконваць не толькі паветраныя, але і наземныя аперацыі», - падкрэсліў эксперт.

Напісаць каментар

Таксама сачыце за акаўнтамі Charter97.org у сацыяльных сетках